圍攻女兒國 1967年 電影 THE MILLION EYES OF SUMURU

一直都鍾意睇古怪電影, 同大家講下呢套1967 年電影

圍攻女兒國 THE  MILLION EYES OF SUMURU

(外國有出正版藍光,但細個冇讀過書唔識睇英文字幕,所以買左祖國中文字幕版藍光😉講真, 仲罕有過正版呀 )

聽聞邵氏有份投資

劇情好簡單講一個女魔頭組織既女性部隊 想統治全世界,方法都係利用美色滲透各國接近男性統治者再將其殺害 😂政府派出類似偵探特工果類既男主角去摧毀女兒帝國 

戲內有大量中國元素, 香港景,美術靚,係我推介既其中一個原因

組織都有分階層, 黃旗袍 ---> 管理層, 黑衫---->最低層行動果類 

不過故事打後都好似冇分, 亂膠哂, 😅黃旗袍直頭消失埋

女魔頭!美熟女

間唔中都會有下屬變節(愛上男人) 女魔頭就會派人滅口

係咪似曾相識 ?

有理由合理懷疑 周星馳 算死草 受洗係抄呢一幕!

好快出現第一名華人演員,同男主角相討如何打擊女魔頭

原來女魔頭派出既密探就坐正係佢地隔離枱, 好鬼攪野

秘密醫院內既打手!

女魔頭都不段收新女, 紅衫正係其一女主角,  靚到癲,後尾變節加入男主角一方

開始香港取景, 大量珍貴老香港影像

鏡頭排位非常邵氏

男主角無厘頭可以深入虎穴參觀

女魔頭帶男主角到地下實驗室

人體實驗, 射一槍人即變石雕 😂

又來大量珍貴老香港影像

男主角拍檔(右) 同香港警察合作

女魔頭派出女新人 (金髮超靚果位) 去香港刺殺某國渡假中既總統 

過場華人女殺手, 負責暗殺男主角拍檔, 點知好快跌落海收皮, 笑死

珍貴皇后碼頭影像

拍檔 悠閒碼頭享受 "被擦鞋" , 理L 得你

某國係香港渡假中既總統 .......著哂龍袍好似好勁

保護總統其一警察, 我覺得超似 香港演員 何家駒 !

維基搵唔到資料,加上佢本人現實已死, 無法考證 

女魔頭親自帶隊

某酒店樓下, 果時仲係人力車, 冇的士

金髮女 決定做好人, 搵男主角拍檔幫手

男主角被捉, 女魔頭親自用刑 !鞭鞭有力

警察開始做野 

警察+金髮女+男主角拍檔  組合

去荒島基地救人

開戰

留意中間, 擔住飛煙仔嚟射, CHILL 到喊

女魔頭最後手段, 派出手下去殺男主角

點知手下"突然"愛上男主角!打埋車輪! CULT 到 !之後就炸島,差不多結尾

 女魔頭大敗, 荒島秘道逃走,為續集留下伏線

結局大團員BBQ, "突然"愛上男主角的女手下 跟埋正義一方😆 CLS !! 佢地以為炸島女魔頭已死 ,很傻很天真

數張藍光相集

金髮女, 真係睇佢已經值回票價 😭

多數 7,80s 舊電影 因節奏緩慢, 演員表情浮誇,動作生硬,演出認真

特技惹笑既 關係, 都會被影迷 當成 邪典電影 cult 片 看待, [圍攻女兒國] 都可被列入其中之一, 其續作 THE  GIRL   FROM  RIO 我未有時間睇, 睇完如果OK 再寫 !  完 !